Yanvarın 18-də Yeni Azərbaycan Partiyası Xətai rayon təşkilatının binasında Xətai rayonunun şəhidlərinə həsr olunmuş “Əbədi qəhrəmanlar” adlı kitabın təqdimat mərasimi keçiriləcək.
AZƏRTAC xəbər verir ki, kitab 2016-cı il Aprel döyüşlərində, 2020-ci il Tovuz döyüşlərində, 44 günlük Vətən müharibəsində, eləcə də 2021-ci il helikopter qəzasında, 2022-ci ildə Kəlbəcər, Xocalı rayonu ərazisində Ermənistan silahlı qüvvələrinin geniş miqyaslı təxribatının qarşısının alınmasında, 2023-cü il antiterror əməliyyatlarında qəhrəmancasına həlak olan 89 Xətai rayon şəhidinə həsr olunub.
Kitabın ərsəyə gəlməsində məqsəd şəhidlərimizin fədakarlığını, onların vətən sevgisini və şücaətlərini gələcək nəsillərə çatdırmaqdır.
Qeyd edək ki, kitab Milli Məclisin deputatı Pərvanə Vəliyevanın təşəbbüsü ilə ərsəyə gəlib.