Misirin hazırkı rəhbəri Əbdülfəttah əs-Sisi dekabrın 10-12-də keçirilən ümumi seçkilərdə qalib gəlib və növbəti 6 ildə yenidən ölkənin prezidenti olacaq. Misir Milli Seçki Komissiyası Qahirədə prezident seçkilərinin rəsmi nəticələrini təqdim edib.
Misirdən kənarda və ölkədə keçirilən ümumi səsvermə zamanı plebisitdə iştirak edən seçicilərin 89,6%-i əl-Sisiyə səs verib, canlı yayımlanan mətbuat konfırnasında milli seçki komissiyasının rəhbəri Hazem Bədavi bildirib.
Bədavi əlavə edib ki, seçkilərdə 67 milyondan çox seçicinin təxminən 70%-i iştirak edib. “Son prezident seçkilərində fəallıq ölkənin bütün tarixində ən yüksək göstərici olub və səsvermə hüququna malik seçicilərin 66,8%-ni təşkil edib”, – Bədavi qeyd edib.
O, prezidentliyə qalan üç namizədin plebisitdə iştirak edən misirlilərin 1,9%-4,5%-i arasında səs topladığını bildirib. (Tass)