Əfqanıstanda hakimiyyəti ələ keçirmiş radikal Taliban hərəkatının döyüşçüləri ilə iki ölkə arasında mübahisəli sərhəd bölgəsində Pakistan sərhəd qoşunları arasında toqquşma nəticəsində azı 4 nəfər yaralanıb. Bu barədə Əfqanıstanın TOLOnews telekanalı Taliban Müdafiə Nazirliyindəki mənbəyə istinadən məlumat yayıb.
Onun sözlərinə görə, sentyabrın 7-də Əfqanıstan tərəfinin Xost vilayətində mübahisəli sərhəddə nəzarət-buraxılış məntəqəsi tikməsi ilə əlaqədar Taliban və Pakistan sərhədçiləri arasında döyüşlər yenidən başlayıb. Kanalın həmsöhbətinin sözlərinə görə, hər iki tərəfdən itkilər var, lakin onların dəqiq sayı verilmir. O əlavə edib ki, ərazidə hərbi hərəkətlər var.