Əfqanıstanın Böyük Britaniyadakı səfirliyi yerli hakimiyyət orqanlarının tələbi ilə sentyabrın 27-də fəaliyyətini dayandıracaq. Bu barədə Əfqanıstanın diplomatik missiyasının rəhbəri Zalmay Rəsul məlumat verib.
“Əfqanıstan İslam Respublikasının Londondakı səfirliyi ev sahibi ölkənin rəsmi müraciəti əsasında 27 sentyabr 2024-cü il tarixində rəsmi olaraq bağlanacaq və fəaliyyətini dayandıracaq”, o, X (keçmiş Twitter) hesabında yazıb.
“The Express Tribune” qəzetinin yazdığına görə , Britaniya hakimiyyəti Əfqanıstanda hakimiyyəti ələ keçirmiş radikal “Taliban” hərəkatının Əfqanıstanın diplomatik missiyalarının verdiyi sənədləri tanımaqdan imtina etdiyinə görə belə bir qərar qəbul edib. Talibanın yaratdığı Xarici İşlər Nazirliyinin daha əvvəl bildirdiyi kimi, bunlara Avstraliya, Avstriya, Belçika, Yunanıstan, İtaliya, Kanada, Norveç, Polşa, Fransa, İsveçrə və İsveçdəki Əfqanıstan səfirlikləri də daxildir. (Tass)