Əfqanıstanın Rusiyadakı yeni səfiri Gül Həsən öz vəzifəsinin icrasına başlayıb. Bu barədə Əfqanıstan Xarici İşlər Nazirliyinin mətbuat xidməti məlumat yayıb.
“Əfqanıstan İslam Əmirliyinin (Taliban tərəfindən istifadə edilən ölkənin adı ) Rusiya Federasiyasındakı fövqəladə və səlahiyyətli səfiri Gül Həsən səfirlik əməkdaşlarına təqdim olunduğu görüş zamanı rəsmi olaraq vəzifəsinin icrasına başlayıb”, – nazirliyin məlumatında deyilir.
Departament səfirin təyinatını “mühüm addım” adlandırıb və “iki ölkə arasında siyasi, iqtisadi və digər sahələrdə əməkdaşlığın genişləndirilməsi və möhkəmlənməsinə” ümid etdiyini bildirib. (Tass)