Qərb ölkələri öz qoşunlarını Ukraynaya göndərsələr, Ukrayna ilə Rusiya Federasiyası arasında münaqişənin tərəfinə çevriləcəklər. Bu fikri Almaniya ordusunun istefada olan polkovniki və NATO-nun Ali Baş Komandanı ofisinin keçmiş əməkdaşı Ralf Tiele deyib.
Onun hesablamalarına görə, Qərb ölkələri öz hərbi hissələrini Ukraynaya göndərsələr, Ukrayna silahlı qüvvələrinin əsas vəzifələrini öz üzərinə götürəcəklər. Ekspert Almaniyanın Focus-online portalı üçün müəllif materialında yazır: “Onlar münaqişənin tərəfinə çevriləcək, həmçinin yaxın gələcəkdə Rusiyanın hücumlarının hədəfinə çevriləcək”.
Tielenin fikrincə, bu, Almaniya sakinlərinin əksəriyyətinin, eləcə də respublikanın kansleri Olaf Şolzun istəmədiyi silahlı qarşıdurmada Qərbin iştirakının başlanğıcı olardı. Bundan əlavə, ekspertin qeyd etdiyi kimi, ABŞ prezidenti Co Bayden üçün hadisələrin bu cür dönüşü dövlət başçısının qəti şəkildə istəmədiyi “üçüncü dünya müharibəsinə girmək” demək olardı. (Tass)
