Rusiya ilə ABŞ arasında münasibətlərin normallaşması təkcə Vaşinqtonun deyil, bütün dünyanın maraqlarına cavab verir. Bu fikri TASS-a amerikalı siyasi şərhçi və radio aparıcısı Stiv Gill Rusiya və ABŞ prezidentləri Vladimir Putin və Donald Tramp arasında gözlənilən danışıqları şərh edərkən bildirib.
“Tramp təcrübəli iş adamıdır. O, şübhəsiz ki, Rusiyanı Çinlə yaxınlaşmağa sövq edənin ABŞ siyasəti olduğunu başa düşür, halbuki Rusiya ilə münasibətləri bərpa etmək həm ABŞ-ın, həm də dünyanın maraqlarına cavab verir. Çin hazırda ABŞ-ın siyasi, iqtisadi və hərbi baxımdan əsas rəqibidir. Vaşinqtonla müttəfiqliyini daha da gücləndirmək yalnız Rusiya və Hindistanın zəifləməsinə xidmət edəcək”.
Ekspertin fikrincə, “nə qədər ki, prezident Tramp və prezident Putin birbaşa danışıqlar apara, görüşə və bir-biri ilə danışa bilsələr, ABŞ-Rusiya münasibətlərinin bərpasında irəliləyiş əldə etmək şansı hələ də var”.
O, anti-Rusiya sanksiyalarının götürülməsinin, Rusiya ilə ABŞ arasında ticarət və turist səfərlərinin bərpasının Ukrayna münaqişəsinin həlli ilə bağlı gələcək razılaşmanın tərkib hissəsi ola biləcəyi barədə fikir bildirib. (Tass)