Avropa siyasətində epoxal dəyişikliyə görə Avropa ölkələri istər-istəməz Moskva ilə güzəştə gedəcəklər. Bu fikri Britaniyalı ekspert, Vaşinqton Quincy İnstitutunun Avrasiya proqramının rəhbəri Anatole Lieven Valday klubunda “Avropa cəmiyyətinin radikallaşması qlobal çağırışlara cavab olaraq” mövzusunda müzakirə zamanı deyib.
Ekspertin fikrincə, hazırda Avropa siyasətində epoxal dəyişiklik baş verir ki, bu da qismən Ukrayna böhranı ilə bağlıdır, lakin daha dərin səviyyədə – iqtisadiyyatda və miqrasiyada dəyişikliklər; süni intellektin yüksəlişi və texnoloji tərəqqi nəticəsində çoxlu sayda orta təbəqənin işini itirməsi perspektivi. “Düşünürəm ki, Avropa siyasətindəki bu texnoloji dəyişikliklər seçki dövründən çox kənarda davam edəcək”, o əlavə edib.
“Düşünürəm ki, bütün bunlar Qərbi Avropa siyasətində o qədər hakim olacaq ki, son nəticədə Rusiya ilə kompromis qaçılmaz olacaq. Lakin buna nail olana qədər çoxlu çətinliklərə və təhlükələrə dözmək lazım gələcək”, – Lieven bildirib. (Tass)