Müvəqqəti atəşkəslə İsrail həbsxanalarından azad edilən 30 Fələstin vətəndaşını daşıyan avtobus Ramallaha gəlib. Bu barədə Qətərin “Əl-Cəzirə” telekanalı məlumat yayıb.
Fələstinliləri Ramallahda yaxınları və ailə üzvləri qarşılayıb. Telekanalın qeyd etdiyi kimi, azadlığa buraxılan 30 nəfər arasında 8 qadın var. Əl-Cəzirə həmçinin bildirir ki, “işğalçı [İsrail] hərbçiləri jurnalistləri məhbusların gəliş yerindən uzaqlaşdırır, onların tədbiri işıqlandırmasına mane olur”.
Noyabrın 22-də radikal HƏMAS hərəkatı Misir və Qətərin vasitəçiliyi ilə İsraillə Qəzza zolağında dörd günlük humanitar atəşkəs haqqında razılığa gəldiyini açıqlayıb. Razılaşmalar İsrail həbsxanalarından 150 yeniyetmə (19 yaşdan aşağı) və qadınların azadlığa buraxılması müqabilində anklavda saxlanılan 50 uşaq, yeniyetmə (19 yaşından aşağı) və qadının azad edilməsini nəzərdə tutur. Noyabrın 24-də barışıq qüvvəyə minib və həmin gün girovların ilk qrupu azad edilib. (Tass)