İsrailin Qəzza zolağında məktəb və qaçqın düşərgəsinə endirdiyi yeni zərbələr nəticəsində azı 7 nəfər həlak olub. Bu barədə Əl-Cəzirə telekanalı məlumat yayıb.
İsrail ordusu Qəzza şəhərindəki məktəbi bombalayıb və bu, Fələstin anklavında son günlər hərbi əməliyyatlarla vurulan 9-cu məktəbdir. Zərbə nəticəsində orada sığınan köçkünlərdən ən azı ikisi həlak olub.
Həmçinin, İsrail ordusunun Qəzza zolağının mərkəzi hissəsində yerləşən Əl-Buric qaçqın düşərgəsindəki evi atəşə tutması nəticəsində 5 nəfər həlak olub, telekanal qeyd edir.
Əl-Cəzirə telekanalının məlumatına görə, İsrailin Fələstinə qarşı hərbi təcavüzü 7 oktyabr 2023-cü ildən bəri əksəriyyəti qadın və uşaqlar olmaqla 38 min 848 nəfərin ölümünə, 89 min 459 fələstinlinin isə yaralanmasına səbəb olub. (Tass)