İsrail ordusunun Qəzza zolağının mərkəzi və cənub hissələrinə endirdiyi zərbələr nəticəsində azı 15 nəfər həlak olub. Bu barədə Qətərin “Əl-Cəzirə” telekanalı məlumat yayıb.
İsrailin Qəzzanın mərkəzi və cənubunda hava hücumları və top atışları nəticəsində Misir sərhədi yaxınlığındakı cənubdakı Rəfah şəhərinə yardımların çatdırılmasını mühafizə edən uşaqlar, qadınlar və polislər də daxil olmaqla azı 15 nəfər həlak olub. İsrailin quru qüvvələrinin mərkəzi Fələstin anklavında yerləşən Əl-Bureyc qaçqın düşərgəsinə daxil olduğunu elan etməsi, qırıcı təyyarələrin və artilleriyanın bölgədəki hədəflərə zərbələr endirməsi nəticəsində çoxlu mülki vətəndaşın yaralandığı bildirilir. (Tass)