İsrail ordusunun Qəzza zolağına endirdiyi yeni zərbələr nəticəsində 10-dan çox adam həlak olub. Bu barədə Qətərin “Əl-Cəzirə” telekanalı məlumat yayıb.
Onun sözlərinə görə, Fələstin anklavının mərkəzi hissəsində yerləşən Əz-Zuveyda şəhərində yaşayış binasının atəşə tutulması nəticəsində azı 4 nəfər həlak olub. Bundan əlavə, eyni ərazidə yerləşən Deyr əl-Bələhdə iki ölü və iki yaralı barədə məlumat daxil olub.
Sektorun cənubundakı Xan Yunis şəhərində biri azyaşlı uşaq olmaqla 3 nəfər öldürülüb. Qəzza şəhərinin şərqində daha 4 fələstinli ölüb, bir neçəsi yaralanıb. (Tass)