ABŞ hərbçilərinin Suriyanın şərqində, İraqla sərhəddə yerləşən Bu Kemal kəndini atəşə tutması nəticəsində azı 5 nəfər həlak olub. Bu barədə “Al Arabiya” telekanalı məlumat yayıb.
Telekanalın məlumatına görə, ölənlər Suriya ərazisində olan iranyönlü birləşmələrin üzvləridir.
Bundan əvvəl ABŞ Silahlı Qüvvələrinin Mərkəzi Komandanlığı Suriyada iranyönlü qruplaşmanın mövqelərinə hücumlar barədə məlumat verib. Hücumların Ərəb Respublikasının şimal-şərqindəki Əl-Şəddadidəki Amerika hərbi bazasına raket hücumuna cavab olduğu vurğulanıb.