İsrailin Yəməndə qiyamçı Husi Ənsar Allah hərəkatının nəzarətində olan ərazilərə endirdiyi zərbələr nəticəsində azı 4 nəfər həlak olub. Bu barədə husilərə məxsus Al Masirah telekanalı məlumat yayıb.
Onun sözlərinə görə, Səna Beynəlxalq Hava Limanına edilən hücumlarda 3 nəfər, Əl-Hodeyda əyalətində Ras İsa liman terminalına edilən hücumda isə daha bir nəfər həlak olub. Telekanal həmçinin Səna hava limanında olan 16 nəfərin yaralandığını bildirib. Bundan əlavə, Ras İsa limanında olan 3 nəfər itkin düşənlər siyahısındadır. (Tass)