Vaşinqton və Tehran arasında danışıqların növbəti mərhələsi iyunun 5-də baş tuta bilər. Bu barədə mənbələrə istinadən “Əl-Hadath” televiziyası məlumat yayıb.
Onların məlumatına görə, ABŞ və İran arasında münaqişənin həlli ilə bağlı ilkin razılaşma anlaşma memorandumudur və imzalanmasından sonra “son məsələlər üzrə danışıqlar aparılacaq”. Mənbələr İran və ABŞ arasında potensial ilkin razılaşmanın “İslamabad Bəyannaməsi” adlandırılacağını bildiriblər. Onların sözlərinə görə, danışıqlar prosesində əsas vasitəçi olan Pakistan əsas tərəflərin iştirakı olmadan memorandumu elan edə bilər. Vaşinqton və Tehran “son razılaşma üzrə danışıqlar başlayanda” nümayəndə heyətlərinin rəhbərlərini göndərəcəklər.