Misir prezidenti Əbdülfəttah əs-Sisi ABŞ-ın yeni prezidenti Donald Trampı vəzifəyə başlaması münasibətilə təbrik edib. Müvafiq bəyanat əs-Sisinin rəsmi Facebook səhifəsində yazıb.
Misir prezidenti yazıb: “Donald Trampı konstitusiya andı içməsi və ABŞ prezidenti vəzifəsinin icrasına başlaması münasibətilə təbrik edirəm və ona uğurlar arzulayıram”. El-Sisi əlavə edib ki, o, Ağ Evin yeni sakini ilə “əməkdaşlığı davam etdirməyə” və Qahirə ilə Vaşinqton arasında “strateji əlaqələri gücləndirməyə” ümid edir. Misir prezidentinin sözlərinə görə, Misir və ABŞ arasında sıx əməkdaşlıq “həm regionda, həm də bütün dünyada sabitliyin və təhlükəsizliyin möhkəmləndirilməsinə xidmət edəcək”. (Tass)