Yəmənin “Ənsar Allah” üsyançı hərəkatının nümayəndəsi Məhəmməd Əbdül Salam deyib ki, İran husilərə hərbi yardım etmir və onlara silah vermir.
“Biz İranın hərbi yardımı və silah tədarükü ilə bağlı iddiaları eşitmişik. Amerikalıların açıqlamalarına baxmayaraq, bunların reallıqla heç bir əlaqəsi yoxdur, çünki İranla Yəmən arasında nə dəniz, nə də hava əlaqəsi var”, – hərəkatın nümayəndəsi bildirib.
Semafor portalının məlumatına görə , Amerika və Yaxın Şərq rəsmiləri İslam İnqilabı Keşikçiləri Korpusunun (İİKK, İran silahlı qüvvələrinin bir hissəsi) bir neçə müşaviri və komandirinin Yəməndə olduqlarına və husilərə Qırmızı dənizdə gəmilərə zərbə endirməsinə kömək etdiklərinə inanırlar. Rəsmilər deyirlər ki, İran Yəmənə pilotsuz təyyarə və raket təlimçiləri və ekspertlər göndərib və İİKK rəsmiləri iddialara görə taktiki səviyyədə kəşfiyyat məlumatlarının toplanmasına kömək edir. (Tass)