İspaniyanın xarici işlər naziri Xose Manuel Albarez Fələstini dövlət kimi tanıdıqdan sonra mayın 29-da bir sıra ərəb ölkələrinin nazirləri ilə görüş keçirəcək. Bu barədə TASS müxbirinə diplomatik mənbələr məlumat verib.
Onların sözlərinə görə, “Çərşənbə günü nazir Albarez İspaniyanın Fələstin dövlətini tanımaq qərarını alqışlayan Fələstin üzrə Ərəb Əlaqə Qrupuna ev sahibliyi edir”. Belə ki, İspaniya Xarici İşlər Nazirliyinin rəhbəri İordaniya, Qətər, Fələstin, Səudiyyə Ərəbistanı, Türkiyə və İslam Əməkdaşlıq Təşkilatının yüksək səviyyəli liderlərini qəbul edəcək. İyunun 3-də Misir hakimiyyəti ilə görüş də planlaşdırılır. (Tass)