Səudiyyə Ərəbistanının xarici işlər naziri şahzadə Faysal bin Fərhan Əl Səud Qəzza zolağındakı vəziyyəti beynəlxalq ictimaiyyətin humanitar fəlakətin qarşısını ala bilmədiyi mövcud siyasi sistemin “tam uğursuzluğu” adlandırıb.
Faisal bin Farhan Al Saud bildirib ki, “Bu vəziyyət açıq-aşkar humanitar fəlakətdir, eləcə də bu böhranla mübarizədə mövcud siyasi sistemin tam uğursuzluğudur. Mövcud vəziyyət artıq fəlakətlidir, lakin biz onun eksponensial genişlənməsi ilə üzləşirik”. Bu barədə Dünya İqtisadi Forumunun Ər-Riyadda keçirilən xüsusi sessiyasında çıxışı zamanı forumun saytında məlumat yayımlanıb.
Nazir vurğulayıb ki, Fələstin-İsrail münaqişəsinin növbəti dəfə gərginləşməsi və Qəzza zolağında atəşkəsə nail oluna bilməməsinin nəticələri beynəlxalq təhlükəsizlik mexanizmlərinin səmərəsizliyi ilə bağlıdır. Onun sözlərinə görə, beynəlxalq ictimaiyyət təkcə Qəzza zolağına və ya İordan çayının qərb sahilinə qədər uzanan deyil, bütün Yaxın Şərq regionunu təhdid edən münaqişənin həllini tapmalıdır. (Tass)