İranın xarici işlər naziri Abbas Əraqçi Maskatda omanlı həmkarı Bədr əl-Busəidi ilə görüşüb. Bu barədə İran Xarici İşlər Nazirliyinin bəyanatında deyilir.
Onun sözlərinə görə, görüş Tehranın nüvə proqramı ilə bağlı fikir ayrılıqlarının həlli üçün ABŞ və İran arasında danışıqların dördüncü raundu başlamazdan əvvəl baş tutub. Oman tərəflər arasında dolayı danışıqlarda vasitəçi kimi çıxış edir.
Bəyanata görə, görüşdə əl-Busaidi “danışıqların asanlaşdırılması üçün hər cür yardım göstərməyə” hazır olduğunu vurğulayıb və həmçinin Əraqçiyə məsləhətləşmələrin dördüncü raunduna hazırlıq prosesi barədə məlumat verib. (Tass)