İran prezidenti İbrahim Rəisinin yanvarın 4-nə planlaşdırılan Ankaraya rəsmi səfəri təxirə salınıb. Bu barədə Türkiyə prezident administrasiyası iki ölkə liderlərinin telefon danışığından sonra məlumat verib.
“[Türkiyə] Prezident Tayyib Ərdoğan İran Prezidenti İbrahim Rəisi ilə telefon danışığı aparıb və o, Kermandakı terror aktı ilə əlaqədar başsağlığı verib. Prezident Ərdoğan dinc əhaliyə qarşı törədilən terror aktını qətiyyətlə pisləyib və terrorla mübarizədə Türkiyənin İranın yanında olduğunu bildirib”, – bəyanatda deyilir.
Qeyd olunur ki, Ərdoğan və Rəisi səfərin vaxtının dəyişdirilməsi ilə bağlı razılığa gəliblər. Əvvəllər İran prezidenti noyabrın sonunda Türkiyəyə səfər etməyi planlaşdırırdı, lakin bu səfər də təxirə salınıb. (Tass)