Avropanın Qəzza zolağında böhranın həlli istiqamətində apardığı siyasət Avropa dəyərlərinə inamı sarsıdıb. Bunu Türkiyə Prezidenti Rəcəb Tayyib Ərdoğan mayın 9-da qeyd olunan Avropa Günü münasibətilə deyib.
“15 mini uşaq olmaqla 35 min fələstinlinin ölümünə səbəb olan Qəzza böhranı kontekstində bəzi Avropa qurumları və ölkələrinin yürütdüyü siyasətlər, böhranlar, qarşıdurmalar və müharibələr Avropa dəyərlərinə inamı sarsıtdı. Bizim ortaq coğrafiyamızda problemlər həll olunmamış qalır və bu dəyərlərə dair şübhələr daha da artacaq”, – Ərdoğanın mesajında deyilir. Bu, Türkiyə liderinin administrasiyasının kommunikasiya şöbəsi tərəfindən yayılıb.
Onun fikrincə, hazırkı geosiyasi şəraitdə “Avropa İttifaqının həm geniş Avropa coğrafiyası daxilində, həm də Aralıq dənizi hövzəsində inklüzivlik, əməkdaşlıq və ədalətlilik siyasəti yürütməsi son dərəcə vacibdir”.
Ərdoğan artan islamafobiya, ksenofobiya və irqçiliyi Avropada yaşayan türk vətəndaşları və qaçqınları narahat edən ən ciddi səbəblərdən biri adlandırıb. “Avropada türk icmasına qarşı ayrı-seçkilik və nifrət cinayətləri artıq adi hala çevrilib”, o vurğulayıb. (Tass)
