Qərb ölkələri Fələstin-İsrail münaqişəsində gərginliyi azaltmaq üçün addımlar atmalıdır. Bunu Türkiyə prezidenti Rəcəb Tayyib Ərdoğan fransalı həmkarı Emmanuel Makronla telefon danışığı zamanı deyib.
“Prezident Ərdoğan Qəzzada dinc insanlara qarşı insan haqlarının pozulmasının qəbuledilməz olduğunu və Türkiyənin onlara yardımların çatdırılması üçün səy göstərdiyini bildirib. Prezident Ərdoğan xüsusilə Qərb ölkələrinin gərginliyi azaltmaq üçün addımlar atmalı olduğunu və sülhə xidmət etməyən səylərdən qaçınmaq lazım olduğunu bildirib. “, – Türkiyə Prezident Aparatı danışıqların yekunu üzrə jurnalistlərə bildirib.
Türkiyə İsrailin Qəzza zolağında dinc sakinlərə qarşı hərəkətlərini insan haqlarının pozulması kimi qiymətləndirir. Onun sözlərinə görə, iki dövlət yaratmaqla Fələstin-İsrail münaqişəsinə son qoymaq olar. (Tass)