Türkiyə prezidenti Rəcəb Tayyib Ərdoğan fransalı həmkarı Emmanuel Makronu Qəzzadakı böhranın həlli səylərinə kömək etməyə çağırıb. Bu barədə Vaşinqtonda NATO sammiti çərçivəsində keçirilən iki prezidentin görüşünün yekunları üzrə Türkiyə liderinin kommunikasiyalar şöbəsi məlumat yayıb.
“Prezident Ərdoğan, Qərbin İsraili Qəzzada atəşkəs əldə etməyə təşviq etməsinin regional və qlobal sülhə töhfə verəcəyini və Fransanın bu istiqamətdə konkret addımlar atmasının faydalı olacağını söylədi”, – deyə məlumatda bildirilir.
Görüşdə həmçinin ikitərəfli münasibətlər, Ukraynadakı nizamlanma və Türkiyənin Avropaya inteqrasiya prosesi müzakirə olunub.
“Prezident Ərdoğan Türkiyə ilə Fransa arasında bütün sahələrdə əlaqələrin genişləndirilməsinin vacibliyini qeyd edib, Türkiyənin Avropa İttifaqına üzvlüyü ilə bağlı danışıqlar prosesinin intensivləşdirilməsinin vacibliyini bildirib və Türkiyə tərəfinin bu məsələdə Fransanın dəstəyinə ümid etdiyini bildirib”, – deyə məlumatda bildirilir. (Tass)