Türkiyə prezidenti Rəcəb Tayyib Ərdoğan İyirmilik (G20) ölkələrini Qəzza zolağında dərhal atəşkəsin təmin edilməsi üçün səy göstərməyə çağırıb. O, bunu G20 sammitində yoxsulluq və aclıqla mübarizəyə həsr olunmuş iclasda bildirib.
“Qəzza zolağında aclıq riski beynəlxalq standartlara görə fəlakətli həddə çatıb. Qəzza əhalisinin 96%-nin, yəni 2 milyondan çox insanın sağlam qida və suya çıxışı yoxdur”, – Ərdoğan bildirib.
O qeyd edib ki, Türkiyə “Qəzza zolağına 86 min tondan çox, Livana isə “1300 tondan çox” humanitar yardım göndərib.
“Qəzza zolağında baş verən bu humanitar fəlakət qarşısında mən bir daha təcili və daimi atəşkəsə çağırıram”, – Ərdoğan bildirib. (Tass)