Türkiyə prezidenti Rəcəb Tayyib Ərdoğan İsveçin NATO-ya qəbulu ilə bağlı protokolu parlamentə təqdim edib. Bu barədə Türkiyə liderinin administrasiyası məlumat yayıb.
“Prezident Tayyib Ərdoğan İsveçin NATO-ya daxil olması ilə bağlı protokolu imzalayıb və oktyabrın 23-də parlamentə təqdim edib”, – məlumatda deyilir.
Türkiyə hakimiyyəti daha əvvəl parlamentin payız sessiyasının başlaması ilə İsveçin NATO-ya üzv olmaq üçün müraciətinə oktyabrda baxılmasının mümkünlüyünü bəyan etmişdi.
Prosedura əsasən, sənəd ilkin olaraq Beynəlxalq Əlaqələr Komissiyasında nəzərdən keçiriləcək və təsdiqləndiyi təqdirdə bütövlükdə parlamentin səsverməsinə çıxarılacaq. (Tass)