Prezident Ərdoğan Misir prezidenti Əbdülfəttah əs-Sisi ilə telefonla danışıb. Görüşdə İsrailin Qəzzada günahsız vətəndaşlara qarşı törətdiyi insan haqları pozuntuları və həll yolu üçün atılacaq addımlar müzakirə edilib.
Prezident Ərdoğan Misir prezidenti Əbdülfəttah əs-Sisi ilə telefonda İsrail-Fələstin məsələsini müzakirə edib.
Görüşdə İsrail-Fələstin münaqişəsində getdikcə ağırlaşan vəziyyət, İsrailin Qəzzada günahsız vətəndaşlara qarşı törətdiyi insan haqları pozuntuları və həll yolu üçün atılacaq addımlar müzakirə edilib.
Prezident Ərdoğan görüşdə Fələstin torpaqlarına qarşı vəhşiliyin getdikcə dərinləşdiyini, xəstəxana, məktəb və ibadət yerlərinin bombalanmasına qarşı Qərb ölkələrinin susqunluğunun Qəzzada yanğını artırdığını bildirib.
Ərdoğan Qəzzada olan fələstinlilərin öz vətənlərini tərk etməyə məcbur edilməsinin qəbuledilməz olduğunu, Türkiyənin sülhün təmin edilməsi, Qəzzaya humanitar yardım və səhiyyə xidmətlərinin ən qısa zamanda çatdırılması üçün səylərini davam etdirəcəyini bildirib. (TRT Haber)