Türkiyə prezidenti Rəcəb Tayyib Ərdoğan İsrailin baş naziri Benyamin Netanyahunun tarixə “Qəzza zolağının qəssabı” kimi düşdüyünü deyib.
“Oktyabrın 7-dən Qəzzadakı bacı-qardaşlarımız bəşər tarixinin ən xain hücumlarına məruz qalıb. Onların məscidləri bombalanıb. Məktəbləri xarabalığa çevrilib. Sığındıqları qaçqın düşərgələri qəsdən hədəfə çevrilib. Netanyahu artıq adını tarixə Qəzzanın qəssabı olaraq yazdırıb”, – Türkiyə prezidenti parlamentdə çıxışı zamanı deyib.
Bundan əlavə, o, Ankaranın “bir-ikisini çıxmaq şərti ilə Qərb ölkələrinin reaksiya verməməsini unutmayacağına” söz verib. “Onları məsuliyyətə cəlb etmək üçün hər cür çalışacağıq. Qəzzadakı bacı-qardaşlarımızı bütün gücümüzlə dəstəkləyirik. Əlaqələrimizin ən mühüm məsələsi Qəzzadakı müharibədir”, – Ərdoğan əlavə edib.
Onun sözlərinə görə, Türkiyə “İsrail administrasiyasını beynəlxalq hüquq və insanlığın vicdanı qarşısında cavabdehlik daşıması üçün bütün mümkün vasitələrdən istifadə edəcək”. (Tass)