Türkiyə prezidenti Rəcəb Tayyib Ərdoğan Qəzza zolağına yardımı müzakirə etmək üçün tezliklə Misirə səfər edə biləcəyini bildirib.
“Yaxın vaxtlarda Misirə səfərim ola bilər. Bu məsələlər Misirdə əsas gündəmimiz olacaq: hansı addımları ata bilərik, xəstələrin təxliyəsi üçün yolu necə hazırlaya bilərik. Bu barədə danışacağıq”, – Ərdoğan Əlcəzairdən qayıdan təyyarədə türk jurnalistlərə bildirib.
Türkiyə liderinin sözlərinə görə, Türkiyə bütün xəstələri tez bir zamanda çıxarmaq istəyir. “Əslində mənim istəyim cərrahi müdaxiləyə ehtiyacı olanları tez bir zamanda çıxarmaqdır. Xüsusilə də uşaqlar, gəlin onları mümkün qədər tez götürək və tibbi yardım göstərək. Bu məsələdə dostlarımızla həmrəyik və ümid edirəm ki, biz prosesi məhz bu şəkildə aparacağıq”, – Ərdoğan vurğulayıb.