Türkiyə prezidenti Rəcəb Tayyib Ərdoğan ikitərəfli münasibətlərin normallaşdırılması üçün Suriya ilə dialoqa hazır olduğunu təsdiqləyib. O, bu barədə Ankarada onun sədrliyi ilə keçirilən Nazirlər Kabinetinin iclasından sonra xalqa videomüraciətində bildirib. Yayım TRT Haber telekanalı tərəfindən həyata keçirilib.
Qonşu Suriya ilə 2012-ci ildə kəsilmiş diplomatik münasibətlərin bərpası imkanlarından danışan Ərdoğan, “Hesab edirik ki, xarici siyasət sağlam düşüncəni rəhbər tutmalıdır. Lazım olanlarla görüşməkdən imtina etməyəcəyik”.
Onun sözlərinə görə, Türkiyənin xarici ərazilərə iddiası yoxdur, onun prioriteti “Suriyanın ərazi bütövlüyü və milli birliyini qorumaqdır”. Eyni zamanda o, Ankaranın ona bitişik ərazidə terror dövlətinin yaradılmasına imkan verməyəcəyini və yaranan terror təhlükəsi tamamilə aradan qaldırılana qədər tədbirlər görəcəyini vurğulayıb. Türkiyə hakimiyyəti dəfələrlə bəyan edib ki, onlar terrorçu Kürdüstan Fəhlə Partiyası (PKK) və onun Suriya qanadı Milli Özünümüdafiə Qüvvələrini (SND) milli təhlükəsizliyə təhdid hesab edirlər. “Terror təhlükəsi qaldığı müddətcə ölkəmizin və xalqımızın təhlükəsizliyini təmin etməyə davam edəcəyik”, – Ərdoğan bildirib.
O, həmçinin bildirib ki, 2011-ci ildən Suriyanı tərk edən 670 minə yaxın vətəndaş Türkiyədən qayıdıb və onlar üçün təhlükəsiz ərazilərdə mənzil tikintisi layihələrinin həyata keçirilməsi ilə onların sayı daha 1 milyon artacaq. (Tass)