Türkiyədə yaşayan heç bir erməni əsilli vətəndaş özünü cəmiyyətdən kənar, təcrid olunmuş və ya ikinci dərəcəli hiss etməyəcək. Bu barədə Türkiyə prezidenti Rəcəb Tayyib Ərdoğan erməni icması və Erməni Apostol Kilsəsinin Konstantinopol Yeparxiyasının Patriarxı Sahak Maşalyana ünvanladığı məktubda bildirib.
“Anadolu torpaqlarını öz mədəniyyəti və insan resursları ilə zənginləşdirən erməni vətəndaşlarımızın təhlükəsizliyi, firavanlığı və xoşbəxtliyi bu gün təmin edilir, biz heç bir erməni əsilli vətəndaşın təcrid olunmasına, cəmiyyətdən kənarlaşdırılmasına imkan vermirik və verməyəcəyik”.
Ərdoğan qeyd edib ki, “Birinci Dünya Müharibəsinin Osmanlı torpaqlarında törətdiyi dağıntılar Türkiyə dövlətinin yaddaşında dərin iz buraxıb”. “Əcdadlarımızdan bizə miras qalan sülh və əmin-amanlıq mühitini qoruyub saxlamaq yalnız birgə səylərlə mümkündür”, – Türkiyə lideri bildirib.
O, həmçinin əlavə edib ki, “Birinci Dünya Müharibəsinin ağır şəraitində həlak olmuş Osmanlı İmperiyasının erməni vətəndaşlarını hörmətlə yad edir və onların nəvələrinə başsağlığı verir”. O, həmçinin “münaqişələr, iğtişaşlar, quldurlar və terror hücumları nəticəsində ölən və ya şəhid olan Osmanlı cəmiyyətinin bütün üzvləri üçün dua edib”. Ərdoğanın sözlərinə görə, “gələcək nəsilləri dünyanı bürümüş zorakılıq və müharibə spiralından qorumağın yolu xalqların ortaq ağrılarından öyrəndikləri dərslər işığında birlikdə gələcəyi qurmaqdır”. (Tass)
