Türkiyə Qəzza zolağında problemin tezliklə nizamlanması və bölgəyə humanitar yardımın çatdırılması istiqamətində səylərini davam etdirəcək. Bunu Respublika Prezidenti Rəcəb Ərdoğan Ankarada onun sədrliyi ilə keçirilən Nazirlər Kabinetinin iclasından sonra xalqa müraciətində deyib. Veriliş TRT Haber telekanalı tərəfindən yayımlanıb.
“Biz Qəzzaya ümid işığı olmaq üçün dövlətimizin bütün imkanlarını, bütün diplomatik potensialımızı səfərbər etmişik. Biz (İsrailin baş naziri Benyamin) Netanyahu və onun qatil dəstəsinin siyasi karyeralarını uzatmaq naminə bölgəmizi daha böyük fəlakətə sürükləməsinə imkan verməyəcəyik. aclıqdan əziyyət çəkən bacı-qardaşlarımıza” deyən Ərdoğan İsraili bir daha terror dövləti adlandırıb.
Türkiyə hakimiyyəti bundan əvvəl İsrailin Qəzzanı tam işğal etmək planlarının qəbuledilməz olduğunu, bölgədə atəşkəsin təmin edilməsi və Fələstin probleminin iki dövlət prinsipi əsasında həllinin zəruriliyi üçün diplomatik səyləri davam etdirmək niyyətində olduqlarını bəyan etmişdi.
Bundan əvvəl bildirilmişdi ki, İsrail hərbi-siyasi kabineti baş nazir Benyamin Netanyahunun Qəzza şəhərinin bütün ərazisini nəzarətə götürmək və Fələstin anklavında əməliyyatı genişləndirmək üçün təklif etdiyi planı təsdiqləyib.