Cumhurbaşkanı Rəcəb Tayyib Ərdoğan Türkiyənin Qəzzaya dəstəyini davam etdirəcəyini bildirib.
“Biz Qəzzanı dəstəkləməyə davam edəcəyik. Bu məsələdə ABŞ-ın hərəkətlərini daim izləyirik. Xarici işlər nazirimiz Hakan Fidan amerikalı həmkarı ilə daimi təmasdadır. İsraili daim dəstəkləyən beynəlxalq ictimaiyyət artıq heç nəyi gizlətmək iqtidarında deyil”.
“Hazırda atəşkəs danışıqlarında üç məsələ var. Birincisi, atəşkəsdən sonra İsrail əsgərlərinin harada və hansı geri çəkilmə zonalarında yerləşdiriləcəyi. İkincisi, HƏMAS və İsrail ərzaq yardımının necə bölüşdürüləcəyi ilə bağlı tam razılığa gələ bilməyiblər. Üçüncüsü, 60 günlük atəşkəs əldə olunarsa, İsrail girovları qoruyub saxlamağı öhdəsinə götürməlidir.” (Tass)