Türkiyə prezidenti Rəcəb Tayyib Ərdoğan Ukraynadakı münaqişənin sülh yolu ilə və onun ərazi bütövlüyü çərçivəsində həllinə ümid etdiyini bildirib. Bu barədə onun Kiyevdə açılan qondarma Krım platforması sammitinin iştirakçılarına videomüraciətində deyilir.
Ərdoğan administrasiyasının yaydığı mesajda deyilir: “Biz ürəkdən ümid edirik ki, müharibə Ukraynanın ərazi bütövlüyü, suverenliyi və müstəqilliyinə əsaslanan ədalətli və davamlı sülhlə başa çatacaq”.
Türkiyə prezidenti həmçinin Ankaranın Ukraynanın ərazi bütövlüyü, suverenliyi və müstəqilliyinə dəstəyini davam etdirdiyini və Krımın öz tərkibinə qaytarılmasının vacibliyini bəyan edib. “Krımın Ukraynaya qaytarılması beynəlxalq hüququn tələbidir”, – Ərdoğan vurğulayıb.
Ankara 2014-cü ildə keçirilən referendumdan sonra Krımın Rusiyaya birləşdirilməsini qanunsuz hesab etdiyini dəfələrlə bəyan edib. Ukrayna hələ də Krımı özünün müvəqqəti işğal olunmuş ərazisi hesab edir və bir çox Qərb ölkələri bu məsələdə Kiyevi dəstəkləyir. (Tass)