Ermənistan parlamentinin spikeri Alen Simonyan KTMT Parlament Assambleyasının dekabrda keçirilməsi planlaşdırılan iclasında iştirak etməyəcəyini bildirib.
“Dekabrda görüş olacaq, mən orada iştirak etməyəcəyəm. İndiki vəziyyətdə, KTMT faktiki olaraq öz öhdəliklərini yerinə yetirmədiyi bir vaxtda mənim iştirakım yersizdir”, – Simonyan jurnalistlərə deyib.
Bundan əvvəl Ermənistanın xarici siyasət və müdafiə idarələrinin rəhbərləri Ararat Mirzoyan və Suren Papikyan KTMT-nin qarşıdakı iclaslarında iştirakdan imtina etdiklərini açıqlayıblar. Respublika nümayəndələri son aylarda təşkilatın tədbirlərində iştirak etməyiblər. Ermənistan da KTMT-dəki səfirini geri çağırıb və yeni səfir təyin etməyib. (Tass)