Ermənistan Milli Assambleyasının “Mülki razılaşma” fraksiyasının üzvü Lusine Badalyan bildirib ki, hakimiyyət respublikada Rusiya telekanallarının yayımının dayandırılması imkanını müzakirə edir.
“Qərar nə olursa olsun, müvafiq idarələr bu məsələ ilə bağlı açıqlama verəcəklər” o, yerli xəbər portalı Factor-a müsahibəsində deyib.
Onun sözlərinə görə, bu mövzu guya Ermənistanda uzun müddətdir müzakirə olunur. “Hətta MM-in plenar iclaslarında belə məsələ qaldırıldı, ictimaiyyət bunu gördü. Hər dəfə televiziya ilə bağlı məsələ müzakirə olunanda bu məsələ daim gündəmə gətirilir”, – deputat bildirib. Badalyan iddia edir ki, Rusiya telekanallarının materialları “dövlətin təhlükəsizliyinə təhdiddir”. (Tass)
