İrəvan Moskvadan Ermənistan və Azərbaycanın xarici işlər nazirləri Ararat Mirzoyan və Ceyhun Bayramov arasında görüş təşkil etmək üçün rəsmi təklif almayıb. Bu barədə Ermənistan diplomatik idarəsinin rəis müavini Paruyr Hovhannisyan parlamentdə keçirdiyi brifinqdə bildirib.
O, jurnalistin müvafiq sualına toxunaraq, “Mənə belə bir təklif yoxdur. Deyəsən, ideya kimi səslənib, konkret addımlardan xəbərim yoxdur” deyib.
Daha əvvəl Xarici İşlər Nazirliyinin sözçüsü Mariya Zaxarova Rusiyanın belə bir görüşü təşkil etməyə hazır olduğunu açıqlamışdı. (Tass)