Ermənistanın müdafiə naziri Suren Papikyan və ABŞ səfiri Kristina Quinn təhlükəsizlik sahəsində əməkdaşlıq məsələlərini müzakirə ediblər. Bu barədə hərbi idarənin mətbuat xidməti məlumat yayıb.
Açıqlamada qeyd edildiyi kimi, görüş zamanı Ermənistan Respublikası ilə ABŞ arasında müdafiə sahəsində əməkdaşlığın tərəqqisi və inkişaf perspektivləri müzakirə olunub. “Əməkdaşlığın hazırkı səviyyəsi qarşılıqlı olaraq yüksək qiymətləndirilib”.
Görüşün sonunda nazir və səfir “Ermənistan Respublikası hökuməti ilə Amerika Birləşmiş Ştatları hökuməti arasında kütləvi qırğın silahların yayılmasına qarşı mübarizə sahəsində əməkdaşlıq haqqında” sazişin müddətinin uzadılmasına dair sənəd imzalayıblar. (Tass)
