Ermənistanın baş naziri Nikol Paşinyan xarici siyasəti ilə Ermənistanı Rusiya ilə Qərbin qarşıdurma teatrına çevirir. Bu fikirləri “Ermənistan” müxalifət fraksiyasından olan deputat, Daşnaksütyun partiyasının idarə heyətinin üzvü Armen Rüstəmyan keçirdiyi brifinqdə deyib.
“Ən pis proqnozlar özünü doğruldur. Paşinyan öz xarici siyasəti ilə Rusiya ilə Qərb arasında qlobal müharibəni Ermənistana ötürür. Bunun nə ilə nəticələnəcəyini başa düşürsünüzmü? Qərb Ermənistan vasitəsilə anti-Rusiya cəbhəsini genişləndirməyə çalışır. Və bu, Ermənistan üçün dağıdıcı olacaq, bilmirəm, nə itirəcəklər, bütün bunların nəticəsində bizim qalanlarımız sadəcə olaraq bu müharibədə yoxa çıxa bilər”.
Rüstəmyanın fikrincə, “belə xarici siyasət Ermənistanın suverenliyinin itirilməsinə gətirib çıxara bilər”. Müxalifətçi “bu siyasətin məqsədi Rusiya Federasiyasını regiondan sıxışdırıb çıxarmaqdır” fikrini bildirib. “Rusiya sərhədçilərinin sərhədlərimizdə işləməməsini istəyiriksə, onlar sadəcə olaraq deyə bilərlər ki, biz Ermənistanı tərk edirik. Bundan sonra nə olacaq? Türkiyə sadəcə olaraq ölkəmizi piyada işğal edəcək”, – o əlavə edib.
Bundan əvvəl Paşinyan Münhendə demişdi ki, “İrəvan Ukrayna məsələsində Moskvanın müttəfiqi deyil”, parlamentin spikeri Alen Simonyan isə “Rusiya sərhədçiləri İrəvanın Zvartnots hava limanında xidmət etməməlidir” fikrini bildirib. (Tass)