Ermənistan müxalifəti oktyabrın 5-də Qranadada Azərbaycanla mümkün sazişin imzalanmasını pozmağa çalışacaq. İrəvanda keçirilən mitinqdə Ermənistanın birinci baş naziri, Milli Hərəkatın Koordinasiya Milli Komitəsinin nümayəndəsi Vazgen Manukyan hakimiyyətə təzyiq göstərmək üçün oktyabrın 4-ü daxil olmaqla etirazları gücləndirməyə və genişləndirməyə çağırıb.
Siyasətçi xatırladıb ki, Paşinyan oktyabrın 5-də İspaniyaya gedəcək, orada İlham Əliyevlə görüşü planlaşdırılıb. Ola bilsin ki, orada sülh sazişi imzalansın, amma çox güman ki, onlar imzalaya bilməyəcəklər, ancaq əsas parametrləri və prinsipləri razılaşdıracaqlar.
Əsarət müqaviləsinin qarşısını almaq üçün onun fikrincə, bütün İrəvanın ayağa qalxıb öz etirazını bildirməsi lazımdır. Komitə nümayəndəsi 4 oktyabr daxil olmaqla, kütləvi itaətsizlik aksiyalarını davam etdirməyə çağırıb. Yekun məqsəd isə hakim parlament fraksiyasının baş nazirin vəzifəsindən kənarlaşdırılması ilə bağlı müvafiq qərar qəbul etməsidir. Qəbul etsə, hakimiyyət dəyişikliyi olacaq, qəbul etməsə, hərəkət davam edəcək. (Sputnik Armenia)
