Müdafiə naziri Suren Papikyan respublikanın silahlı qüvvələri sıralarında xidmət etməmək üçün oğullarını Ermənistan vətəndaşlığından imtina etməyə məcbur edən məmurları lüstrasiya etməyə çağırıb.
“Hərbi xidmətə çağırış hələ də üzləşdiyimiz problemdir. Belə bir fenomen var ki, Ermənistan vətəndaşı öz övladının Ermənistan vətəndaşlığından imtina etməsi üçün hər şeyi edir, mən hesab edirəm ki, biz bunu edənləri lüstrasiya etməliyik bu,” Papikyan parlamentdə çıxış edərkən bildirib.
O qeyd edib ki, bu tədbirin ilk növbədə dövlət idarəçiliyi sistemində çalışanlara aid olması təklifi ilə artıq baş nazirə müraciət edib. “Məncə, dövlət məmuru nəinki öz övladlarının, hətta yaxın ətrafının övladlarının da Ermənistan Respublikasının vətəndaşlığından imtina etməsinə imkan verməməlidir”, – deyə nazir bildirib və belə məmurların adlarını çəkəcəyini vəd edib. Papikyanın sözlərinə görə, “bu, pis tendensiyadır, yeni deyil, amma mübarizə aparmaq lazım olan fenomendir”. (Tass)