Ermənistan Təhlükəsizlik Şurasının katibi Armen Qriqoryan və Dövlət Departamentinin Cənubi Qafqaz üzrə danışıqlar üzrə baş müşaviri, ATƏT-in Minsk qrupunun həmsədri Lui Bono İrəvanla Bakı arasında münasibətlərin normallaşması prosesini müzakirə ediblər. Bu barədə Ermənistan Təhlükəsizlik Şurasının mətbuat xidməti məlumat yayıb.
“Tərəflər regionda uzunmüddətli sülh və sabitliyin bərqərar edilməsinə yönəlmiş səylərə, o cümlədən Ermənistan-Azərbaycan münasibətlərinin normallaşdırılması prosesinə toxunublar. Yuxarıda göstərilənlər çərçivəsində Qriqoryan Ermənistan tərəfinin mövqeyini təqdim edib. Həmsöhbətlər həmçinin qarşılıqlı maraq doğuran digər məsələləri müzakirə ediblər”, – deyə məlumatda bildirilir. (Tass)