Sərhədin delimitasiyası Cənubi Qafqazda sülhün bərqərar olması üçün mühüm vasitədir; Ermənistan və Azərbaycan bu istiqamətdə konstruktiv səylər göstərir. Bunu parlamentdə hökumət saatında xarici işlər naziri Ararat Mirzoyan deyib.
“Biz delimitasiya prosesinin davam etdirilməsində maraqlıyıq. Biz bunu sülh prosesinin ən mühüm tərkib hissələrindən biri hesab edirik, həm bizim tərəfimizdən, həm də Azərbaycan tərəfindən konstruktiv səylər göstərilib və biz ümumi fikrə gəlmişik ” deyə qeyd edib.
Yanvarın 16-da Ermənistan və Azərbaycan sərhədlərinin delimitasiyası üzrə komissiyalarının rəhbərləri, baş nazirin müavini Mher Qriqoryan və baş nazirin müavini Şahin Mustafayev iki ölkənin sərhədində görüş keçirib və sərhəddə delimitasiyanın növbəti mərhələsinin keçirilməsi barədə qərar qəbul ediblər.
Ötən ilin sentyabrında Ermənistan hökuməti Azərbaycanla sərhədlərin delimitasiyası üzrə komissiyaların birgə fəaliyyəti haqqında müddəaların ratifikasiya layihəsini dərc edib. Qanun layihəsinə əsasən, Ermənistan və Azərbaycan komissiyaları delimitasiya zamanı bütün xəritələrdən, o cümlədən hüquqi əsası olan sənədlərdən istifadə edəcək. Əsasnamə erməni, azərbaycan və rus dillərində tərtib olunub və Azərbaycan tərəfindən də ratifikasiya edilməlidir. (Tass)
