Ermənistanda Avropa İttifaqına inteqrasiya və ya bloklara qoşulmayan dövlətə çevrilmək imkanları müzakirə olunur. Bu barədə Respublika Təhlükəsizlik Şurasının katibi Armen Qriqoryan Brüsseldə “Ermənistanın strateji gələcəyi” forumunda bildirib.
“Qeyd etmək istərdim ki, Ermənistanda təbii ki, Avropaya inteqrasiya ideyası var, lakin qoşulmayan dövlətə çevrilmək ideyası da var. Biz vətəndaş cəmiyyətini dinləyirik və bunun nə olduğunu anlamağa çalışırıq. Ermənistan üçün təhlükəsizliyi və inkişafı və regionda sülhü təmin edə biləcək ən yaxşı vasitələrdir”.
Bundan əvvəl Ermənistanın baş naziri Nikol Paşinyan və ölkənin Xarici İşlər Nazirliyinin nümayəndələri dəfələrlə bəyan ediblər ki, İrəvan hazırda KTMT-dən çıxmaq imkanını müzakirə etmir, lakin Ermənistan nümayəndələri son aylar təşkilatın tədbirlərində iştirak etməyiblər. Ermənistan da KTMT-dəki səfirini geri çağırıb və diplomatik missiyaya yeni rəhbər təyin etməyib. (Tass)