Estoniya prezidenti Alar Karis Qərbin Rusiyaya hücumları üçün Ukraynaya verdiyi silahların çeşidinin məhdudlaşdırılmasının əleyhinə çıxış edib. O, bu barədə Tallində Ukrayna prezidenti Vladimir Zelenski ilə birgə mətbuat konfransında bildirib. Tədbir onlayn yayımlanıb.
“Hərbi yardım göstərərkən başa düşməliyik ki, düşmən qüvvələrini ləngitmək və ya zəiflətmək və ya Ukrayna xalqını qorumaq üçün təcavüzkarın hərbi obyektlərinə hücumlardan qaçmaq mümkün deyil. Ukraynaya tədarük edilən silahlara heç bir məhdudiyyət qoyulmamalıdır”, – o, qeyd edib.
Rusiya tərəfi dəfələrlə vurğulayıb ki, Qərbin Kiyevə silah göndərməsi və Ukrayna hərbçilərinin təliminə yardım etməsi yalnız münaqişəni uzadacaq və döyüş meydanında vəziyyəti dəyişməyəcək. (Tass)