Fələstin və Türkiyə İsrailin Qüds işləri və irsi naziri Amichai Eliyahunun Qəzza zolağına nüvə zərbəsi endirmək ehtimalı ilə bağlı sözlərindən sonra Beynəlxalq Atom Enerjisi Agentliyinin (BAEA) baş direktoru Rafael Qrossiyə müraciət edib. Bunu Fələstinin Avstriyadakı səfiri və Fələstinin Vyanadakı beynəlxalq təşkilatlar yanında daimi müşahidəçisi Salah Abdel Şafi deyib.
“[İsrailin] İrs naziri Qəzzaya nüvə bombası atılmalı olduğunu deyəndə, mahiyyətcə İsrailin nüvə silahına malik olduğunu etiraf etdi. İsrail bunu həmişə təkzib edib. Bu baxımdan təkcə Türkiyə deyil, Xarici İşlər Nazirimiz də baş direktor Qrossiyə məktub göndərib”, – diplomat TASS-a müsahibəsində bildirib.
Səfirin sözlərinə görə, bu məsələ ilə bağlı məktubu Ərəb Dövlətləri Liqasının baş katibi də göndərib. O əlavə edib ki, tərəflər bir-birindən ayrılıqda müraciət göndəriblər. Agentlik məktublara cavab verməyib.
“Vyanadakı ərəb dövlətləri həmişə MAQATE-nin gündəliyinin bir hissəsi kimi İsraildən nüvə silahı məsələsini qaldırıblar. Yaxın Şərqdəki bütün ölkələrdən yalnız İsrail Nüvə Silahlarının Yayılmaması Müqaviləsinə qoşulmayıb”- Abdel Şafi qeyd edib. (Tass)