Fələstin Jurnalistlər Forumu İsraili Qəzza zolağının cənubundakı Xan Yunis qəsəbəsində Nasser Tibb Kompleksi yaxınlığında jurnalistlərin yaşadığı çadıra ölümcül hücuma görə qınayıb. Bu barədə Qətərin “Əl-Cəzirə” telekanalı məlumat yayıb.
Fələstin Jurnalistlər Forumu bəyanatında hücumu “iyrənc cinayət və bütün beynəlxalq qanun və konvensiyaları pozan jurnalistlərə qarşı qəsdən hücum” adlandırıb.
Əl-Cəzirə telekanalının məlumatına görə, İsrailin hava hücumu zamanı Nasir tibb kompleksi yaxınlığında yerləşən fələstinli qaçqın düşərgəsinə Fələstin media nümayəndələrinin yerləşdiyi çadır vurulub. Hücum nəticəsində azı 2 jurnalist həlak olub, daha 7 nəfər yaralanıb.
Fələstin dəfələrlə İsraili “həqiqəti və Fələstin xalqına qarşı beynəlxalq hüququn kobud şəkildə pozulmasını təşkil edən və mətbuat azadlığını təhdid edən cinayətləri gizlətmək” məqsədilə media işçilərini sistematik şəkildə hədəf almaqda ittiham edib. Fələstin Jurnalistlər Birliyinin hesablamalarına görə, 2023-cü il oktyabrın 7-dən bəri İsrail-Fələstin münaqişəsinin cari mərhələsində öldürülən jurnalistlərin ümumi sayı artıq 220-ni keçib. (Tass)