Göyərtəsində Fələstin tərəfdarı fəalların olduğu və bazar ertəsi gecəsi İsrail Hərbi Dəniz Qüvvələri tərəfindən ələ keçirilən “Madeline” gəmisi İsrailin Aşdod limanına çatıb. Bu barədə “The Times of Israel” məlumat yayıb.
Gəmidə isveçli ekoloq Greta Thunberg də daxil olmaqla bir qrup Fələstin tərəfdarı var. Onlar Qəzza zolağının dəniz blokadasını yarmağa və anklava birbaşa dəniz yolu ilə humanitar yardım çatdırmağa cəhd edirdilər. İsrail aksiyanı qeyri-qanuni elan edib və onların cəhdini dayandırıb.
“The Times of Israel” xəbər verir ki, “Madeline” İsrail Hərbi Dəniz Qüvvələrinə məxsus gəminin müşayiəti ilə Aşdod limanına gəlib. Madeline gəmisində olan 12 fəal İsrail hakimiyyəti tərəfindən saxlanılıb və tezliklə polisə təhvil veriləcək və sonra deportasiya ediləcək. (Tass)