Fələstin Müvəqqəti Hökumətinin Baş naziri Məhəmməd Ştayyeh İordan çayının qərb sahilində Ramallahda Demokrat senatorlar Kori Buker və Maykl Bennetin də olduğu ABŞ Konqresinin üzvlərindən ibarət nümayəndə heyəti ilə görüşüb. Bu barədə Fələstinin WAFA xəbər agentliyi məlumat yayıb.
“Qəzza zolağı İsrailin təcavüzü səbəbindən görünməmiş humanitar fəlakətlə üz-üzədir və [İsrail] təcavüzü dayandırıldıqdan sonra Marşallın yardım, yenidənqurma və iqtisadi bərpa planına ehtiyacı var”, – Ştayye senatorlara deyib.
O, bir daha ABŞ-ı “dərhal atəşkəsi dəstəkləməyə, Qəzza zolağına humanitar yardım keçidlərinin açılmasına və humanitar böhrana əsas xidmətlərin göstərilməsinə yardım etməyə” çağırıb. (Tass)