Xan Yunisdəki tibb müəssisələrində və Əl-Amal xəstəxanasında müvəqqəti məskunlaşan 8 minə yaxın məcburi köçkün 24 saat ərzində oradan təxliyə edilib. Bu barədə Fələstin Qızıl Aypara Cəmiyyətinin əməkdaşları X (keçmiş Twitter) məlumat yayıb.
“Bu gün təxminən 8 min məcburi köçkün Əl-Amal xəstəxanasından və Xan Yunisdəki qərargahımızdan təxliyə edilib”, – deyə həkimlər qeyd ediblər. Onların sözlərinə görə, Xan Yunisdəki tibb müəssisələrində yalnız “40 köçkün qoca, 80-ə yaxın xəstə və yaralı, 100 inzibati və tibb işçisi” qalıb. Xəstəxanalarda olan qaçqınların konkret olaraq hara aparıldığı barədə məlumat verilmir.
Yanvarın 29-da həkimlər iddia ediblər ki, İsrail hərbçiləri Əl-Əmal xəstəxanasının yaxınlığında yaşayan fələstinlilərə anklavın cənub-qərb bölgələrinə, daha doğrusu, Aralıq dənizi sahilində yerləşən Əl-Məvasi kəndinə təxliyyə olunmağı əmr edib. Yanvarın 22-də Fələstin Qızıl Aypara Cəmiyyəti sözügedən tibb müəssisəsinin yaxınlığında İsrail tanklarının olduğunu bildirdi və orada işləyən tibb işçiləri ilə əlaqəni itirdiyini iddia etdi. (Tass)